Bizitzarako lan txokoak

Hezkuntza laguntzarako premia bereziak dituzten ikasleak ikastetxe arruntetan sartzeak hezkuntza-esperientzia ugari garatzea bultzatu du, haien beharretara egokitutako erantzuna emateko.

Oinarrizko hezkuntzaren helburuetako bat gaitasun pertsonalen garapena sustatzea da, izan ditzaketen hezkuntza-desberdintasunak eta -premiak konpentsatuz.

Hori guztia kontuan hartuta, Abusu Ikastolan (2019-2020) hezkuntza-esperientzia berri bat jarri dugu abian, programazio propioarekin, metodologia desberdinekin eta ikasleen beharretara egokitutako curriculum-materialak landuz.

Gaur egun, ikasturte honetan, proiektu honetan 7 ikaslek eta 2 irakaslek parte hartzen dute (guztiak Bigarren Hezkuntzakoak).

Hezkuntza-esperientzia horri "Bizitzarako lan-txokoak" deitu diogu. Hezkuntza-esperientzia berri honen txokoak honako hauek dira:

• Nor gara gu, zer gara gu
• On/Off
• Bazen-behin…
• Non natura, han bihotza
• 1,2,3 akzioa