Irudia
Abusu Ikastolan Gau Beltza gure egin genuen aspaldi, eta egun berezi honetarako egitarau oparoa prestatu dugu. Hori bakarrik ez, film laburren lehiaketa ere egingo dugu DBHko ikasleentzat.
Goizez hainbat jarduera antolatu ditugu, hala-nola ipuin kontaketa, bizkotxo jana, aurpegi margoketa, mahai jolasak, photocall beldurgarria, film laburren lehiaketa… eta bukatzeko Xanduli-Manduli abestuko dugu patioan.
Arratsalderako ere, egitarau oparoa prestatu dugu, eta ez gara aspertuko, inondik inora:
- 16:45 Txokolatada Ikastolan
- 17:00-18:30 Makillaje, argi zuzi eta jantzi tailerra
- 18:30 Gau beltza kalejira Ikastolatik Ibaizabal landara
- 19:30 Ibaizabal landan gaztaina jana eta dantzak
Gau Beltza gurea da, eta hala jarraituko du izaten belaunaldiz belaunaldi.
