Ikastolen Elkarteak 30. Jardunaldi Pedagogikoak antolatuko ditu gutxi barru. Aurtengo edizioan, hezkuntza-komunitatearen eta gizartearen erronka nagusietako bat egongo da erdigunean: euskalduntze-prozesua sendotzea eta murgiltze-eredu integralago bat garatzeko bide berriak urratzea.
Jardunaldien helburua ez da murgiltze eredua defendatzea bakarrik; gaur egungo errealitate soziolinguistiko aldakorrari erantzunez, orain arteko bidea aztertu, haren indargune zein ahulguneei erreparatu eta euskarak herri-kohesiorako elementu izaten jarrai dezan tresna zein estrategia berriak proposatzea ere bada.
Saioetan zehar, hezkuntza-alorreko bertako eta nazioarteko adituek hartuko dute hitza, teoria zein esperientzia praktikoak uztartuz. Topaketa hau gaian interesa duen ororentzat dago irekita: irakasle, hezitzaile, familia eta euskal hezkuntza-proiektuarekin konprometitutako pertsona guztiei zuzenduta dago.
Izen-ematea
Noiz: Azaroaren 18a (09:00-16:45)
Non: Kursaal Biltzar Jauregia (Donostia)
Prezioa:
Ikastolako kideak: 35€
Unibertsitateko ikasleak: 20€
Kanpoko erakundeak: 50€
Izen-ematea: Dagoeneko zabalik dago ikastolak.eus webgunean
