Euskaraldia herritarren hizkuntza-praktikak aktibatu eta euskararen erabilera handitzeko asmoa duen ariketa soziala da. Entitate moduan, Abusu ikastolan euskararen biziberritzean zeresana eta zeregina daukagula uste dugunez, guk ere partehartzeko konpromisoa hartu dugu.
Laugarren edizioa izango da hau, eta lehen aldiz, udaberrian egingo da: 2025eko maiatzaren 15etik 25era.
Abusu ikastolatik animatu nahi zaituztegu Euskaraldian IZENA EMAN dezazuen!
Euskaraldian parte hartzeko AHOBIZI ala BELARRIPREST rolen artean aukeratu behar duzue.
AHOBIZI: Euskaraz ulertzen duten guztiekin euskaraz egingo duzu. Lehen hitza, beti, euskaraz izango da; euskaraz ulertzen badu, euskaraz jarraituko duzu. Belarri prestekin, bereziki, mantso eta zure hizkera egokituta. Gakoa ahal den guztietan euskaraz egitea izango da.
BELARRI PREST: Hiztun guztiei zuri euskaraz egiteko eskatuko diezu eta zeuk ere horrela egingo duzu nahi bestetan. Nik ezingo diot beti euskarari eutsi. Aunque hable en castellano me gustaría que siguieran hablando en euskera. Gakoa jokaeran dago eta ez gaitasunean.
Elkarrekin Euskaraldian parte hartuz, hizkuntza ohituretan jauzi bat egin eta euskararen erabilera handitu dezagun!
