Ekainaren 14an, Arabako Ikastolen jai handiak, Araba Euskaraz ekimenak, Amurrio faltan bota ezinezko hitzordu bihurtuko du. Aurten, Aresketa Ikastolak hartu du lekukoa, eta urtebeteko lan gogorraren ostean, dena prest dute gure lurraldean, Aiaraldean zein gure herrietan euskararen erabilera indartzeko. “Taupadak berpiztu” da aurtengo leloa, eta guk ere taupada horren parte izan nahi dugu!
Jai handi honetan murgiltzen hasteko, antolatzaileek material berezia helarazi digute gure komunitatean (familiak, irakasleak, ikasleak eta euskaltzaleak) zabaltzeko. Ez galdu aukera abestia ikasi eta motorrak berotzeko:
- Abestia eta Bideoklipa: Entzun aurtengo doinu alaia eta ezagutu letra. Sakatu hemen bideoklipa ikusteko: https://youtu.be/aqvQocDlPX0
- Koreografia: Ikasi pausoak eta prestatu Amurrion batera dantzatzeko! Sakatu hemen koreografia ikusteko: https://vimeo.com/1183312794?share=copy&fl=sv&fe=ci
Animatu familian, lagunartean edo ikastolakideekin batera egun ahaztezin bat igarotzera.
Ekainaren 14an, euskaltzale guztiok Amurriora! Gozatu, dantzatu eta ditzagun taupadak berpiztu!
