Ikasturte berriari hasiera eman diogu errespetua, proiektuarekiko errotzea eta euskara aldarrikatuz!

Abusu Ikastolako ikasleek atzo eman zioten hasiera 2024-2025 ikasturteari. Egun berezia izaten da, hunkigarria bezain alaia. Ikasleek emozio eta sentimendu kontrajarriak izaten dituzte. Bakoitzak bereak, eta denak errespatagarriak. Joan den astean irakasleak ere antzera ibili ginen, batzuk lasai, beste batzuk kirioak dantzan, denak gogotsu.

Ikasleak irakasleekin batu eta ikasgeletara joaten hasi aurretik, gure zuzendari pedagogiko maiteak, Katalin Larreak, hitzartze labur bat egin du, gure ikastolan berebiziko garrantzia duten hiru hitz/ideia/balio hizpide hartuta:

1. Ikastolan, gizartean bezala, elkarrekin bizi gara eta norbanako bakoitzaren esku dago, bizikidetza egoki baterako giroa izatea. Beraz, “errespetua” hitza bekokian tatuatuta izateko moduan aintzat hartzeko eskatu du.
2. Ez ahaztu, Abusu Ikastola gure abestiak esaten dioen moduan, “eskola hutsa baino gehiago” dela eta beraz, hemen zaudeten guztiok gara Abusu Ikastola; GUgara!
3. Azkenik; Ikastolan, euskaraz bizi nahi dugu! horretarako beraz, bihotzetatik ezpainetara atera dezagun euskara!