Hara!GUra 2030” gure Estrategia Planaren barruan, lehentasunezko proiektua da beste gizarte-eragile, mugimendu eta erakundeekin aliantzak sortzea. Gure helburua argia da: ikasleei testuinguru aberatsena eskaintzea, pertsona gisa garapen integrala izan dezaten. Badakigu, horretarako, elkarlana eta lankidetza ezinbesteko osagaiak direla.
Marko horretan, eta jasotako gonbidapenari erantzunez, Katalin Larrea Zugadi gure zuzendari pedagogikoa Mondragon Unibertsitateko Humanitate eta Hezkuntza Zientzien Fakultatean (HUHEZI) izan da berriro ere.
Saio honen helburua unibertsitateko ikasleei gure ikastolako errealitatea hurbiltzea izan da. Katalinek sakon azaldu du nola planteatzen ditugun Abusun etapen arteko igarobideak, etorkizuneko irakasleek beren ikasketak benetako hezkuntza-proiektu batekin lotzeko aukera izan dezaten.
Elkarreraginean aberatsagoak garelako, lanean jarraituko dugu aliantza hauek indartzeko.
