Zirimola 2026: Udako udalekuen aurkezpena eta beka sistema berria

Otsailaren 4an, Zirimolak (Ikastolen Aisialdi Taldeak) 2026ko udako kanpaina aurkeztu zuen. Aurten, proiektuak jauzi kualitatiboa eman du bi berrikuntza nagusirekin: batetik, euskarazko plazen kopurua handitu da, eta bestetik, zaurgarritasun egoeran dauden familiei zuzendutako beka sistema propioa jarri da abian. 

Helburua argia da: Euskal Herriko haur eta gazte guztiek euskarazko aisialdi hezitzaile eta inklusiboaz gozatzeko aukera berdinak izatea. 

Azalpen bideoa

Beka eskaerak eta izen-ematea 

• Epea: Bekak eskatzeko epea otsailaren 4tik 15era dago zabalik.
• Modua: Eskaera zein izen-emate orokorra online egin behar dira.
• Informazioa: Udaleku bakoitzaren xehetasunak eta bekaren baldintzak Zirimolaren webgunean daude eskuragarri. 

Epeak laburrak direnez, dokumentazioa lehenbailehen prestatzea gomendatzen dizuegu. 

Udan ikusiko dugu elkar!